Estimadas familias, confirmada a realización do 3º trimestre deste curso dende a casa, polo que vos deixarei aspectos importantes sobre COMO se vai desenvolver.
- O terceiro trimestre será de repaso, ampliación en contido básico e competencias clave do traballado na 1º e na 2º avaliación. De ser o caso de ter algunha materia suspensa poderá recuperarse co traballo que se realice neste trimestre e que cada mestre lle envíe a dito alumnado.
- Non se dará contido novo.
- O traballo diario será comunicado a través do blogue de aula, polo que é importante que o alumnado entre no blogue e reenvie as tarefas (SO AS QUE EU DIGO QUE ENVIEDES) ao correo que vos proporcionei (profesaramiguez@gmail.com).
- Estas tarefas contarán positivamente. Farase un rexistro do voso traballo que contará na 3º avaliación.
- Calquera incidencia, dificultade de acceso aos blogues, correo, conexión dixital...podedes escribir ao correo do centro comunicandoo ( ceip.doutor.suarez@edu.xunta.es) ou comunicarmo a min por medio do blogue ou correo para intentar solucionalo e que ninguén se quede atrás.
- Nas tarefas que mando intento que non sexa necesario imprimir, pero nalgunhas haberá que facelo, por iso, o concello habilitou un correo para poder reenviar aqueles documentos que precisen ser impresos (rexistro@fornelos.com) no que deberedes reenviar o arquivo co voso nome e dirección e eles volo enviarán á casa.
- Intentamos mandar actividades nas que traballen pero estén entretidos e entretidas, non se porá datas límite para as actividades (de ser no caso nalgúns cuestionarios, serán datas longas) polo que o ritmo de traballo márcano eles pero DEBEN facer as tarefas.
- Como titora pídovos que ao longo desta semana, escribademe un correo a min (profesaramiguez@gmail.com) poñendo o voso nome e dicindo qué recursos tendes para traballar: movil, ordenador ou tablet (para teros localizados e poder organiza o traballo que imos realizar)
- Pidovos que lles deixedes un comentario identificandovos as mestras especialistas de INGLES, EDUCACIÓN FÍSICA e MUSICA nos seus BLOGUES. Para saber que estades conectados e que estades recibindo a información xa que hai moitos nenos e nenas das que non se sabe nada.
ORGANZACIÓN DE MATERIAS
Cada día eu subirei unha tarefa dunha materia
- LUNS E XOVES teredes que ir ao blogue de EDUCACIÓN FÍSICA para as actividades
- MARTES teredes que ir ao blogue de INGLÉS
- MERCORES teredes que ir ao blogue de MUSICA
(Eu vos porei un enlace por se vos esquecedes esos días)
Calquera dúbida será atendida polo correo.
Un saúdo, Sara.