CARTA PARA O ALUMNADO DE 5º
Hoxe chegaranvos as notas do 2º trimestre. Quero
dicirvos que estou moi orgullosa de todas e todos vós. En xeral mellorastes e
mantivéstesvos nunhas notas moi boas, así que os meus parabéns para todos e
todas!
Doutra banda, gustaríame que vos parásedes a ver a
observación que vos deixei a cada un e cada unha de vós, que o leades e
quedédesvos con iso.
De todos os xeitos, sabedes que para min, a nota non é
o máis importante, senón o traballo que fixestes día a día, a vosa madurez e o
voso compañeirismo, que foi aumentado día a día e non sabedes o orgullosa que
me fai estar de vós.
Foi un trimestre raro a verdade, co que nos quedamos
con ganas de facer moitas cosas pero, farei todo o posible para que, aínda que
esteamos cada un na nosa casa, sigádesvolo pasando ben e aprendendo día a día.
Pero agora tócanos facer un esforzo e seguir actuando
como EQUIPO, quedándonos na casa e deixando que todo isto se vaia solucionando.
Agora disfrutade da vosa familia, xogar e non deixedes
de aprender algo novo cada día.
Sodes uns campións e campionas por estar aguantando
tan ben esta situación de que estou segura de que, cando todo isto pase,
pararémonos a pensar e chegaremos á conclusión de que todos e todas aprendemos
algo neste tempo e valoraremos moito máis a nosa rutina e pequenas cousas ás
que antes igual non dabamos importancia.
Seguimos en contacto polo correo
(profesaramiguez@gmail.com) ou nos comentarios deste blogue.
PD: Lembrade o que decimos sempre:
"Os erros non son
fracasos, son sinais de que estamos a aprender"
Un abrazo mooi forte da vosa profe.
Sara.
CARTA PARA AS FAMILIAS DE 5º
Estimadas familias, como lles comentei, hoxe
chegaranvos as notas por Abalarmóbil.
Non foi o final de trimestre que tiñamos pensado, pero
aínda así creo conveniente comentarvos que non foi un trimestre perdido
xa que evolucionaron moito académica e persoalmente e fixeron un gran esforzo
tanto no cole como todos estes días de confinamento, polo que creo, merecen
unha gran felicitación.
Sabedes o que fixemos?
-Avanzamos moito na escritura, autonomía e resolución
de problemas.
-Aprendemos máis sobre o traballo en equipo e puxérono en
práctica día a día.
-Adquirimos moitos valores como respeto, empatía,
tolerancia, compañerismo, autoestima...
-Desenvolvimos máis capacidade para a expresión oral
en exposicións, debates...
-Adquirimos novos conceptos matemáticos e cómo
levalos á práctica no noso día a día.
-Experimentamos e vivimos a ciencia en
primeira persoa.
-E xogamos. Xogamos moito mentres aprendiamos todo
isto e tamén rimos, porque a risa, o xogo e a aprendizaxe sempre deberán ir
unido.
Agora tócalles descansar un pouco, pero en casa.
Aproveitade para estar xuntos e disfrutar moito deles pois agora iso é o máis
importante. Pola miña parte, se tedes algunha consulta, deixo o meu correo para
poder comunicarnos:
profesaramiguez@gmail.com
Un abrazo a todos e todas e a
coidarse moito!!
